Dy subjektet politke Lëvizja “Vetëvendosje” dhe Aleanca për Ardhmërinë e Kosovës kanë kandiduar dy gra për kryetare komunash. Edhe LDK-ja ka premtuar se do të kandidojë femra.
Klima për kandidimin e femrave në zgjedhjet lokale të 3 nëntorit, edhe pse jo në masë të madhe, këtë vit duket të jetë më e mirë. Të paktën kështu shprehen deputetet e partive të ndryshme politike, të cilat i gëzohen faktit që më në fund kanë filluar të merren parasysh edhe vlerat profesionale të femrave.
VV dhe AAK vetëm i kanë bërë publik emrat e kandidateve femra për kryetare komunash, shkruan Kosova Sot.
Donika Kadaj- Bujupi është kandidatja e AAK-së për kryetare të Komunës së Istogut, ndërkaq Ajnishahe Shala- Halimi është kandidatja e LVV për kryetare të Komunës së Skënderajt.
PDK-ja, si partia më e madhe, ende nuk e ka kandiduar asnjë femër për kryetare të ndonjërës prej komunave. Ndryshe Kosova ende nuk e ka asnjë komunë që drejtohet nga një femër, edhe pse në zgjedhjet e kaluara kanë kandiduar edhe kandidate femra.