Vdekja e 3 vjeçares, ka mbledhur në një seancë të jashtëzakonshëm kuvendarët e Prizrenit. Seanca është mbajtur me kërkesë të opozitës.
Shefja e GP-së të LDK-së, Mybera Mustafa, ka kritikuar institucionet përgjegjëse për neglizhencë.
“Unë kam të drejt të dal këtu, si e zgjedhur e popullit, dhe të shpreh indinjaten time ndaj qeverisë lokale, për fatkeqësinë që ka ndodhur, duke pasur parasysh se ajo në bazë të ligjit ka përgjegjësi publike të përkujdeset për sigurinë e qytetarëve të saj, aq më tepër që ka qenë e paralajmëruar më parë shumë herë, sidomos nga shoqëria civile”, tha Mustafa.
Kuvendarja e Nisma për Kosovën, Ganimete Babuna – Hoxha, ka shkuar më larg duke kërkuar dorëheqje së paku morale nga kryetari i Prizrenit, Ramadan Muja, për përmasat e tragjedisë që ndodhi javën e kaluar .
Ndërkaq, shefi i GK të të LVV-së, Artan Abrashi, fajin kryesor për rastin në fjalë i’a ka hedhur më së shumti Kbrashi.
Drejtorët e Ekzekutivit Nijazi Kryeziu e Bedri Bytyçi, duke i’u përgjigjur akuzave të shumta, sërish për tragjedinë dhe gjendjen e rënduar në Qendrën Historike të Prizrenit kanë fajësuar Ministrinë e Kulturës.
Xheneta Gashi javën e kaluar humbi jetën nga rrënimi i shtëpisë së vjetër në Prizren./TVPZ/