Dy punonjës të policisë kufitare të Tropojës janë vënë në pranga nga kolegët e tyre, pasi duke shoqëruar një person të ndaluar nga Kosova ai iu është larguar me vrap.
Menjëherë, struktura e Shërbimit të Çështjeve të Brendshme kanë vënë në pranga 2 punonjësit e policisë Musa Bisheva 53-vjeç, me detyrë trupë shërbimi në Piken e Kalimit Kufitar Qafë Morinë, si edhe Gëzim Shabanaj 48 vjeç me detyrë trupë shërbimi në Piken e Kalimit kufitar Qafë Morinë.
Ata akuzohen për “Shpërdorim të detyrës” për ngjarjen që ka ndodhur më 13 korrik kur Xhevat Thaçi, i ndaluar prej tyre, iu ka ikur nga duart teksa po e shoqëronin. /shqiptarja.com