Edicioni 12-të i Festivalit të Filmit Dokumentar dhe të Shkurtër “Dokufest 2013” ka filluar zyrtarisht të shtunën mbrëma, me hapjen solemne në kinosallën “Lumbardhi”, mu në zemër të qytetit. Ky manifestim ndërkombëtar, për herë e më shumë po afirmohet edhe në arenën ndërkombëtare. Kësaj radhe, përmes një performance artistike me moton “Theji Kufijtë” duke simbolizuar kufizimet dhe pengesat mes kufijve e mureve ndarës në jetë e në art, dhe vënia e kufijve në raportet ndërnjerëzore.
Dokumentari i parë që u shfaq në “Dokufestin” e sivjem ishte ai i regjisores Sarah Polley me titull “Stories We Tell” (Rrëfimet që tregojmë) një film ky shumë interesant i cili ëshë mirëpritur nga tërë publiku, duke e shpërblyer edhe me duartrokitje. Drejtori artitik i “Dokufestit”, Veton Nurkollari ka thënë se pikërisht përmbajtja dhe kualiteti i këtij filmi ka qenë arsyeja kryesore edhe për përcaktimin që me këtë film të nis edicioni i 12 –të .
Ndryshe, në mbrëmjen e parë pos këtij filmi dokumentarë janë shaqur edhe 7 filmap për të cilët ka mbretëruar një intereim shumë i madh i publikut. Nurkollari ka thënë se vetëm natën e parë filmat në “Dokufest” janë përcjellë nga rreth 1.600 shikus që është një paralajmërim se sa i përket shikuesve këtë vit mund të tejkalohen të gjitha rekordet.
Sipas tij “Edicionii 12-të ka arrijtë edhe rekodin me numrin e filmave që kanë arritur si dhe të atyre që gjatë nëntë ditëve të ardhëshme do të shfaqen e që do të jenë gjithësejt 250 filma, 106 nga të cilët do të përfshihen në konkurrencë. “Ky pra është programi më i madh që ka pasur deri më tash “Dokufesti”, ka thënë Nurkollari, shkruan Zëri.
I kënaqur me fillimin e mbarë të festivalit është ndarë edhe drejtori ekzekutiv, Eroll Bilibani, i cili ka falenderuar edhe qytetarët e Perizrenit për mikëpritjen dhe bujarinë që po e tregojnë ndaj të gjithë mysafirëve. “Janë rreth 200 mysafirë nga shumë vende të rajonit dhe të mbarë botë që kanë ardhur në “Dokufest”, kurse në punët organiztaive kemi të angzhuar mbi 230 persona, pjesën më të madhe të të cilëve e përbënë “skuadra e vullnetarëve”, ka thënë Nurkollari.
Të dielën në mesditë, në ambientet e hotelit “Theranda” është mbajtur konferenca e parë për medie, ku janë preazntuar filmbërës nga vendet nordike. Ata para gazetarëve kanë folur për filmat e tyre dhe për përshtypjet që kanë për “Dokufestin” dhe qytetin e Prizrenit. Signe Byrge Soerensen, Pertti Kurikan Nimipäivät, Arna-Marie Bersas dhe Daniel Denick, kanë vlerësuar lart organizimet dhe tërë atë që po bëhet në kuadër të “Dokufestit”, duke e krahasuar këtë festival me festivalet pretigjioze që organizohen në Europë, kusre si të veçantë kanë përmendur shfaqjen e filmave në natyrë si dhe interesimin e madh të shikuesve.
Edhe këtë verë, mbajtja e festivalit “Dokufest 2013” e ka shndërruar tërë qytetin e Prizrenit në një festë të vërtetë, e cila po përjetohet nga pothuaj secila familje dhe secili prizrenas. Për këtë qëllim, pos objekteve hoteliere, portat e tyre të mikërpitjes, gjatë këtyre nëntë ditëve i kanë hapur edhe shumë pronarë të shtëpive private, që kanë pranuar mysafirët e ardhur nga vende të ndryshme.