Sportistja e parë që është paraqitur për Kosovën në Lojërat Olimpike ndonjëherë, Urata Rama, është eliminuar qysh në rrethin e parë të garave dhe ajo beson që ishin emocionet ato që ndikuan në përformancën e dobët të saj.
“Unë isha sportistja e parë që garova në Rio dhe padyshim që emocionet ishin të mëdha, kjo ndoshta bëri që unë të mos kem rezultate të mira”, ka thënë Urata për RTK-në.
Rama u eliminua nga Lojërat Olimpike pasi nuk arriti pikët për të siguruar kalimin tutje. Ajo përfundoi garën me 402 pikë.
Pas katër serive me nga 10 gjuajtje arriti rezultatin përfundimtar me 402.3 pikë.
Nga 51 garuese përfundoi e 48-ta. Rekordi i saj mbetet 409.4 pikë.