Premiera e këtij filmi do të shfaqet sonte (e diel) prej orës 20:00 në Prizren në kuadër të festivalit Dokufest.
Jeta e dervishëve nga Prizreni është pasqyruar në një film dokumentar të titullluar “HU”. Premiera e këtij filmi do të shfaqet sonte prej orës 20:00 në Prizren në kuadër të festivalit Dokufest.
Filmi flet për një ditë të enjte, jo shumë të zakonshme për dervishet e Teçesë “Halveti” në Prizren.
Qetësia, meditimi, paqja dhe mikpritja janë gjërat që i karakterizojnë dervishët dhe me këtë film pritet një eksperiencë me pamje ekskluzive në një udhëtim shumë të thellë dhe spirituoz gjatë shikimit të ritualit të tyre me një akustikë rrënqethëse.
Dervishët shpesh nënçmohen dhe diskriminohen gjatë jetës së përditshme, por në anën tjeter ata vazhdojnë dhe jetojnë në botën e tyre pa u ndikuar shumë nga bota e jashtme.
Filmi është punuar me shumë përkushtim nga Quentin Laurent, Alex Jovanovska, Lucian Casu dhe Leonard Matei./KultPlus.com