Kanë mbërritur në spitalin ushtarak të plagosurit nga Dukagji i Shkodrës. Ngjarja e ndodhur mesditën e sotme, ku në fshatin Ndërlysë, lagjia “Mushaj”, Lekë Ballza, 50 vjeç ka plagosur me armë zjarri kunatën e tij, D.B. 41 vjeçe dhe vëllain, K.B. 48 vjeç.
Sipas informacioneve nga banorë të fshatit të cilët e njohin, autori i ngjarjes njihet si person me probleme mendore por të dhëna akoma të pa konfirmuara zyrtarisht.
Shkaku i ngjarjes mësohet se ka qenë krejtësisht banal. Autori pasi ka ardhur në shtëpi ka parë se aty ishte dhe vëllai i kunatës.
Kjo e ka irrituar atë, dhe ka nisur konflikti me fjalë me vëllain e tij. Më pas, autori ka marrë armën dhe ka qëlluar mbi vëllain dhe kunatën, duke i lënë të plagosur.