Në vitet 1950-ta, spiunazhi britanik dhe amerikan kanë tentuar që të rrëzojnë nga pushteti Enver Hoxhën, por operacioni i MI6 dhe CIA ndodhi të jetë një “katastrofë,” ashtu sic e përshkruan BBC në një artikull të publikuar të enjten.
Sipas BBC, CIA amerikane dhe MI6 britanike nisën një operacion të përbashkët në fillim të vitit 1950 dhe përgjatë katër viteve, ata ishin mundur nga Sigurimi, Shërbimi Sekret Shqiptar, dhe 300 prej agjentëve të tyre përfunduan të vdekur.
“Për shumë vite, faji i dështimit iu adresua Kim Philby, agjent i shërbimit sekret britanik që spiunonte për sovjetikët. Por, historiani britanik Steve Long, tani ka gjetur prova të reja”, njofton BBC.
Sipas historianit, Sigurimi i Shtetit ishte fuqizuar së tepërmi si institucion dhe kjo u duk kur zbuloi agjentët sekretë të CIA-s dhe MI6.
Long sqaron gjithashtu se Enver Hoxha kishte rritur pushtetin e tij në Shqipëri, ndërsa agjencitë perëndimore sekrete nuk kishin menduar besnikërinë e popullit ndaj diktatorit.