Policia e Kosovës ka bërë të ditur se ka arrestuar dy persona në Prizren. Arrestimi i tyre është bërë në bazë të urdhëresës së lëshuar nga Gjykata Themelore në Prizren, shkruan PrizrenPress.
Sipas Policisë, njëri mashkull është arrestuar gjatë ditës së hënë në fshatin Zhur dhe i njëjti është dërguar në vuajtje të dënimit në burgun e Prizrenit në kohëzgjatje prej 10 ditëve.
Ndërkaq, tjetri është arrestuar dje në rrugën “Azem Hajdari” të Prizrenit. I njëjti është dërguar në vuajtje të dënimit në burgun e Dubravës në kohëzgjatje prej gjashtë muajve. /PrizrenPress.com/