Driton Çaushi, nga Lëvizja Vetëvendosje, në një konferencë për media ka thënë së procesi i hetimeve për Astrit Deharin është i kompromentuar nga pushteti kriminal.
Sipas tij, kryeprokurori Sylë Hoxha ka konstatuar një veprim politik, në lidhje me raportin e autopsisë së Astrit Deharit.
“Sylë Hoxha ka konstatuar një veprim politik, që i është dhënë për detyrë për ta mbrojtur, dhe një raport të autopsisë skandaloz. Gjatë gjithë kësaj kohe ka pasë shkelje të të drejtave të njeriut. Janë katër parime që janë shkelur gjatë procesit. Është neni 2, 3, 6, 8, nga Konventa Evropiane e të Drejtave të Njeriut”, tha ai.
Gjithashtu, Çaushi theksoi se me këto parime është shkelur edhe Kushtetuta e Republikës së Kosovës në Nenin 53 të saj.
“Neni 53 i Kushtetutës së Republikës së Kosovës, obligon respektimin themelor të neneve të Konventës Evropiane të të Drejtave të Njeriut. Me rastin e Astritit është shkelur Kushtetuta e Republikës së Kosovës”, tha ndër të tjera ai. /Telegrafi/