Paneli Zgjedhor për Ankesa dhe Parashtresa ka vendosur të pranojë për hetim 24 ankesa të kandidatëve për deputet të subjekteve politike për zgjedhjet e 11 qershorit.
Kryesuesi i sekretariatit të PZAP-së, Mul Desku, tha për KosovaPress se nga 65 ankesa sa kanë pranuar gjithsejtë, 24 kanë vendosur t’i hetojnë, ku do hapen 30 kuti të votimit.
Ai pohoi se pret që brenda ditës të përfundohet i gjithë procesi, pasi kanë angazhuar tri ekipe për ta kryer këtë hetim.
Desku të premten njoftoi se partitë dhe koalicionet politike në Kosovë kanë dorëzuar 65 ankesa.
“Kanë ardhur gjithsejtë 65 ankesa. Nga koalicioni PAN janë 22, nga koalicionit tjetër LAA janë 19, nga Lista Serbe 11, kurse nga Vetëvendosje janë dy”, deklaroi ditën e djeshme Desku për Klan Kosovën.
“Kryesisht ankesat kanë të bëjnë me mospërputhjen e numrave. Partitë kanë tjera numra ndërsa nga KQZ-ja janë shpallur të tjerë”,
Ankesa ka pasur edhe brenda koalicioneve.
Sipas Deskut, “Ankesat janë të llojit se i janë marrë vota një kandidati dhe i janë vendosur një tjetri, por partitë kanë thënë se këto gabime janë bërë për shkaqe teknike”.