Drejtori i Spitalit tw Prizrenit, Afrim Avdasj, ka pritur në takim drejtorin e Spitalit të Përgjithshëm të Murska Subotës nga Sllovenia, Bojan Korosec, drejtorin mjekësor të këtij spitali, Daniel Grobar, si dhe udhëheqësit e projektit KSV/017 dr. Afërdita Ademi – Osmani dhe dr. Dorjan Marusic.
Në takim është biseduar për gjetjen e mundësive dhe mënyrave të bashkëpunimit në mes spitalit të Prizrenit dhe spitaleve të Sllovenisë, që parashihen edhe në Planin Strategjik 2017-2021.
Avdaj, ka prezantuar punën, rezultatet, angazhimin dhe zbatimin e objektivave të përcaktuara në Planin Strategjik 2017-2021, i cili përqendrohet në përmirësimin e cilësisë dhe sigurisë së ofrimit të shërbimeve shëndetësore për të mirën e popullatës.
Drejtori i Spitalit të Murska Subotës, Bojan Korosec, para strukturave udhëheqëse të spitalit, shefave dhe kryeinfermierëve të reparteve ka prezentuar punën që kryhet në spitalin e Murska Subotës, gjegjësisht historinë, anën organizative dhe anën menaxheriale.
Drejtori mjekësor i spitalit përgjithshëm të Murska Subotës, Daniel Grobar, ka mbajtur një ligjërate për punën, përvojat dhe plotësimin e kritereve profesionale që kanë rezultuar me licencimin ndërkombëtar të spitalit të përgjithshëm të Murska Subotës.
Afërdita Adema- Osmani ka prezantuar projektiv KSV/017, gjegjësisht fazën e dytë që parasheh mbështetjen për spitalin e Prizrenit dhe të Gjilanit.
Udhëheqës të spitalit të Murska Subotës kanë vizituar edhe disa reparte të spitalit, ku nga afër janë njoftuar me punën dhe shërbimet që ofrohen për pacientë./PrizrenPress.com/