Klubi i basketbollit, Bashkimi nga Prizreni ka kërkuar falje për postimin e disa ditëve më parë në përkrahje të Shaqir Totajt për kryetar të komunës së Prizrenit.
Bashkimi kishte shprehur përkrahje për ish-kryetarin e klubit, që tash kandidon në radhët e PDK-së, duke thënë se besojnë që ai do të udhëheqë qytetin në mënyrën më të mirë të mundshme.
Pas këtij postimi kishin reaguar qytetarët e Prizrenit që kishin kërkuar të mos ketë përzierje të sportit dhe politikës, ndërsa tani Bashkimi përmes Facebookut ka kërkuar falje.
“Ditë më parë kemi bërë një status(të cilin sot e kemi fshirë) në lidhje me kandiminin për Kryetar Komune të Presidentit të klubit z.Shaqir Totaj të cilit i kemi dhënë mbështetje!
Por ky status i jonë është keqkuptuar nga disa persona dhe disa portale te cilat janë të politizuar vetë…
Ne në asnjë moment nuk kemi përkrahur asnjë parti politike,ne kemi dhënë mbështetje për kryetarin tonë si individ dhe njeri i dëshmuar!
KB BASHKIMI është i të gjithë qytetarëve të Prizrenit dhe i tillë do të jetë gjithmonë!
Ne i kërkojmë falje shoqërisë civile të cilët mund të mos jenë ndier mirë me statusin e paqellimshëm nga ana jonë!
KB BASHKIMI PRIZREN”, thuhet në njoftim.