Kryetari i LDK-së, Isa Mustafa iu ka përgjigjur kryetarit të PDK-së, Hashim Thaçit, për garën zgjedhore që do të zvilohet në Prizren. Ai është i bindur se kandidati i LDK-së. Eqrem Kryeziu do të fitojë garën në Prizren.
“Eqremi do ta fitojë Prizrenin. Po sepo!. Por kjo nuk na mjafton, sepse Eqa do të reflektojë për të fituar edhe komunat e regjionit të Prizrenit ku kemi kandidatë që meritojnë fitore”, ka shkruar Mustafa në Facebook.
Kryetari i PDK-së, Hashim Thaçi, ka deklaruar se se Eqrem Kryeziu me 3 nëntor do të pësojë humbjen e radhës përballlë kandidatit të PDK-së, Ramadan Muja.
“Kam dëgjuar këto ditë deklarime falënderuese në emrin tim nga oponenti i ricikluar i kandidatit Muja. Unë dua t’i shprehë lehtësi shpirtërore këtij kandidati riciklues të Ramadan Mujës dhe ta sigurojë se do të ketë edhe ma lehtë pas 3 nëntorit, sepse kandidati Muja do t’i fitojë zgjedhjet pa balotazh. Prandaj, i shprehi lehtësi shpirtëror ricikluesit të kandidatit të Mujës, Eqrem Kryeziut”, ka thënë Thaçi për TVB.
Musafa, ndërkaq ka shkruar se kandidatëve të Thaçit nuk do t’i uron lehtësi shpirtërore.” Por ua bëjmë me dije se kutitë kësaj radhe do të jenë më të lehta, sepse në to nuk do të numërohen votat e abuzuara. Pa to nuk mund te fitoni!”.ka shkruar Musatfa. /PrizrenPress.com/