Ditën e hënë në Spitalin e Fierit ka ndërruar jetë një vajzë 21-vjeçare dhe familjarët fajësojnë mjekët për humbjen e të afërmes së tyre.
Vajza ishte paraqitur në spital me temperature të ulët, ndërsa mjekët dyshonin se ishte prekur nga një virozë e stinës dhe pas një serumi e kanë nisur sërish në shtëpi.
Pasi gjendja e vajzës është përkeqësuar, familjarët e kanë dërguar sërish për ndihmë mjekësore, por këtë herë ishte shumë vonë, pasi 21-vjeçarja ndërroi jetë në duart e mjekëve.
Në njoftimin e saj policia thotë se Xhuljeta Gjeka, banuese në fshatin Mujalli ka vdekur për shkaqe natyrale. Në lidhje me ngjarjen Prokuroria e Fierit ka tërhequr nga reparti i urgjencës kartelën ku është shënuar diagnostikimi dhe trajtimi mjekësor i 21-vjeçares.
Ndërkohë për ngjarjen në fjalë ka reaguar edhe drejtoresha e spitalit rajonal Fier, Nevila Shuke, duke thënë se është ngritur një grup pune për të hetuar, Sipas Shukes po pritet dalja e autopsisë për të sqaruar vdekjen e vajzës.