Liria e trajnerit Bledi Shkëmbi u eliminua dje nga DigitAlb Kupa, duke u mposhtur nga skuadra e Vushtrrisë. Kjo humbje ia u komplikon mjaft gjërat trajnerit korçar, pasi klubi nga Prizreni, e kishte si objektiv fitimin e Kupës, nga ku pretendohej që të përfaqësoheshin në Europë.
Mediat raportojnë se klubi i Lirisë po shqyrton mundësinë e shkarkimit të trajnerit Bledi Shkëmbi për shkak të kostos së lartë dhe mos përmbushjes së objektivave.
Pas ndërrimit të pushtetit në Prizren, skuadra është përfshirë nga presioni politik për shpenzimet e shumta të klubit me stafin dhe një pjesë të futbollistëve, të cilët nuk kanë realizuar pritshmëritë. Gjithsesi ngelen për tu parë zhvillimet në ditët e ardhshme se çfarë do të ndodhë me të ardhmen e trajnerit Bledi Shkëmbi.