Një person ka raportuar në Policinë e Kosovës se përmes kamerave të sigurisë ka parë katër persona të maskuar dhe të armatosur, duke e ngarkuar bankomatin e një banke në veturë.
Policia ka gjetur bankomatin, i cili ishte hedhur në skaj të një rruge në Prizren.
Në vend të ngjarjes kanë dalë edhe zyrtarët e bankës, të cilët pas hapjes së bankomatit kanë vërtetuar se kutitë ku gjendeshin paratë janë të paprekura dhe të blombuara.
Njësitë policore janë duke hetuar rastin.