Rrugët në fshatin Turjakë, sot janë pastruar nga dheu që kishte rënë rrugë dhe si pasojë shkaktonte probleme në qarkullim.
Rrugët e pastruara janë rruga kryesore që lidhë fshatrat Turjakë, Panorc, Rud dhe Llapçevë, me qendrën komunale dhe rruga në lagjen e Berishëve në Turjakë. Pastrimin e rrugëve, e ka parë nga afër, edhe nënkryetari i komunës së Malishevës, Hajdin Berisha.
Në këto dy rrugë, gjatë reshjeve të fundit atmosferike, ka pasur rrëshqitje të dheut i cili ka rënë rrugë dhe si pasojë kanë sjellë probleme edhe në qarkullim.
Sipas drejtorit të Drejtorisë për Mbrojtje dhe Shpëtim, Valon Gashi, dheu është larguar nga këto dy rrugë dhe tani nuk ka problem në qarkullimin e qytetarëve.
Gashi ka sqaruar se gjatë reshjeve, ka pasur rrëshqitje të dheut, por në asnjë rast nuk janë rrezikuar qytetarët.