2.8 C
Prizren
E hënë, 3 Shkurt, 2025

Varroset Kujtim Paçaku

I është dhënë lamtumira e fundit ish- deputetit të Kuvendit të Kosovës, Kujtim Paçaku.

Figura e Paçakut është vlerësuar lartë nga bashkëpuntorët e tij.

Nexhip Menekshe, tha se Paçaku, ka lënë gjurmë të pashlyeshme në mbrojtjen e identitetit të komunitetit rom.

“Neve na mbetet që ta ndjekim me përkushtim rrugën e tij”, tha Menekshe.

Një fjalë rasti me rastin e ndarjes nga jeta të Kujtim Paçakut, e mbajti edhe miku i tij, aktori Xhevdet Doda.

“I ndjeri ishte ndër personalitetet më të merituara për kultivimin e vlerave kulturore të romëve përmes teatrit”, tha Doda.

Ndërkaq, në emër të familjes ka folur djali i të ndjerit, Denuri.

Ai , tha se ikja nga kjo botë e babait të tij është një humbje e madhe, “por që veprat e tij jetësore na bëjnë që të krenohemi përgjithmonë me të”.

Pas kësaj akademie, një kortezh i gjatë funeral ka marshuar nëpër qytetin e Prizrenit deri tek varrezat, ku i është dhënë lamtumira e fundit ish-deputetit, poetit e aktivistit të komunitetit rom, Kujtim Paçaku, i cili dje është ndarë nga jeta në moshën 59 vjeçare, pas një sëmundje të rëndë./TV Prizreni/

Më Shumë

Nga -26 në fitore, rikthim fenomenal nga lideri pa humbje

Lideri i Ligës së Parë në basketboll, Grapeland, ka rrëmbyer fitoren nga “dora” e New Basketit duke e mposhtur me rezultat 84-89. Skuadra nga Rahoveci,...

Përleshen shtatë persona në Prizren, tre të ndaluar, katër janë në arrati

Shtatë persona dyshohet se janë përleshur mes vete në rrugën “Transiti i ri Arban” në Prizren, të mërkurën, ku dyshohet të ketë pasë edhe...

Lajmet e Fundit