Shtatorja e dëshmorit të kombit Xhevat Berisha është shndërruar në vendparking për biçikletat e vizitorëve të sheshit “Shatërvan” të Prizrenit.
Rastet janë shtuar sidomos gjatë ditëve të fundit. Vizitorët për të siguruar biçikletat e tyre i lidhin për rrethojë të shtatores së dëshmorit, Xhevat Berisha.
Qytetarët shprehen të revoltuar me këtë veprim të vizitorëve. Ata thonë se dëshmorët e kombit duhet të respektohen e jo të nënçmohen,shkruan “PrizrenPress”.
Xhafer Halit thotë se institucionet nuk duhet të lejojnë që hapësira e shtatores e Xhevat Berishës, të shndërrohet në vendparking për biçikleta.
“Nuk duhet të lejohet që shtatorja e dëshmorit Xhevat Berisha të përdoret për bicikleta”, shprehet ai.
Ai, kërkon nga shoqatat e dala nga lufta që të reagojnë ndaj këtij fenomeni./PrizrenPress.com/
