Koalicioni AAK-LDD,fushatën zgjedhore do të hapë me 6 tetor në Prizren. Në hapjen solemne do të marrë pjesë lideri i AAK-së, Ramush Haradinaj dhe ai i LDD-së, Nexhat Daci.
Kryetari i AAK-së në Prizren, Fatmir Kastrati në takimin me nëndegët e dy subjekteve politike, tha se gjatë këtij muaji janë mbajtur një varg aktivitetesh të suksesshme. Ai apeloi apeloi edhe për një përkushtim më të madha të punës në organizmin e fushatës zgjedhore dhe një bashkëpunim mes nëndegëve të AAK-së dhe LDD-së, në koordinimin e organizmit të detyrave për fushatë sa më të suksesshme.
Ndërkaq, kandidati për kryetar të Prizrenit, nga koalicioni AAK-LDD, Lulzim Kabashi, para kryetarëve të nëndegëve të këtyre subjekteve politike, tha se tashmë është momenti që të finalizohet mundi i të gjithëve, që është bërë deri me tani, duke i porositur ata që të mos neglizhojnë situatën në asnjë moment dhe të llogarisin në fitore.
Mensur Bytyqi, koordinator i AAK-së në këtë takim ka dhënë një pasqyrë rreth agjendës së takimeve që janë mbajtur gjatë këtij muaji me struktura, por edhe me qytetarë në disa lagje të qytetit, por edhe në disa nëndegë.
Koordinatori i LDD-së, Hasan Ahmetaj, ndërkaq kërkoi konceptin e secilit kryetar të nëndegëve për organizimin e fushatës zgjedhore nëpër nëndegët e tyre. Ai mori shembull funksionimin e nëndegës së AAK-së dhe LDD-së në Korishë, e cila është duke funksionuar si një trupë e vetme, e që në të njëjtin sistem duhet të funksionojnë edhe nëndegët tjera./PrizrenPress.com/