Në Prizren, do të bëhet nesër, vënia e gurthemelit për ndërtimin e objektit të Institucionit Parashkollor – Çerdhes dhe të Shkollës së Mesme të Muzikës.
Së pari në ora 10:00 do të vihet gurthemeli i çerdhes, e cila do të ndërtohet në lagjen “Bajram Curri”, përballë shkollës së mesme të mjekësisë “Luciano Motroni”, ndërsa menjëherë më pas, do të vihet gurthemeli për shkollën e muzikës, në hapësirën e ish-Benafit.
Në ceremoninë e vënies së gurthemeleve do të jenë të pranishëm edhe kryetari i Komunës së Prizrenit, Mytaher Haskuka, ministri i Ministrisë së Administratës Publike, Mahir Yagcilar, ministri i Ministrisë së Arsimit, Shkencës dhe Teknologjisë, Shyqiri Bytyqi dhe drejtori i Drejtorisë Komunale të Arsimit, Skender Susuri./PrizrenPress.com/