Deputetja nga radhët e Lëvizjes Vetëvendosje, Drita Millaku në seancën e jashtëzakonshme që po mbahet në Kuvend në lidhje me abuzimin seksual të një të miture në Drenas, tha se institucionet në Kosovë janë institucione të krimit.
Sipas saj, Kosova nga sistemi i tanishëm është shndërruar në një shtet të pashpresë.
“Reagimi i opinionit publik ka qenë i njëzëshëm që të merren masa. Çdo ditë ne hasim abuzime dhe shkelje të dinjitetit të njeriut. Institucionet janë formuar për t’i mbrojtur qytetarët e jo për t’i keqpërdorur ata. Institucionet tona janë kryer në institucione të krimit. Jemi shndërruar në një vend ku lartësohen idiotët e shpërblehen dhunuesit. Kjo gjë po e shkatërron shoqërinë tonë”, tha ajo./Zëri/