Artisti misterioz nga Britania e Madhe Banksy siç duket është kapur në kamera duke shikuar njërën nga veprat e tij në Nju Jork, raportojnë mediet britanike.
Një njeri me kapele dhe xhaketë të kaltër është fotografuar duke tentuar të rregullojë një “pikturë lëvizëse” në furgon që është pjesë e “ekspozitës” së tij njëmujore në Amerikë.
Disa gazeta britanike tani besojnë se ky person është Banksy, i cili kurrë nuk e ka treguar identitetin e tij. Besohet se emri i vërtetë i artistit është Robin Banks ose Robin Gunningham, por ajo që dihet për të sigurt është se ai vjen nga Bristoli i Anglisë.