Një punëtor ka humbur jetën, pasi që kishte rënë në kontakt me rrymën, gjatë punimeve ndërtimore në Prizren.
Ngjarja pati ndodhur një muaj më parë, ndërkaq që viktima ka ndërruar jetë dje në QKUK në Prishtinë.
Zëdhënësi i Policisë në Prizren, Shaban Osmanollaj, tha se viktima që nga koha kur ka rënë në kontakt me rrymën ka qenë në gjendje kome.
“Trupi i pa jetë dje është dërguar në IML”, tha Osmanollaj për ” PrizrenPress”.
Sipas tij, pas vdekjes së punëtorit policia ka arrestuar pronarin e firmës.
“ I dyshuari është arrestuar dhe pas intervistimit me vendim të prokurorit është dërguar në mbajtje”, tha ai./PrizrenPress.com/ .