Kandidatët e Degës së PDK-së për deputetë në Parlamentin e Kosovës, të prirë nga Shaqir Totaj, që është edhe kryetar i degës, sot në kuadër të fushatës zgjedhore kanë vizituar Shoqatën e Pensionistëve të Kosovës, dega në Prizren.
Kandidatët e PDK-së, që garojnë për deputetë, në prani të pensionistëve shpalosën pjesë nga programi i PDK-së, për skemat sociale, e me theks të veçantë u fokusuan për vizionin që ka ofruar Kadri Veseli për ngritjen e pensioneve, brenda mandatit të ardhshëm në 80%.
“Me Kadri Veselin, pensionistët do të trajtohen ashtu siç e meritojnë, ku do t’i gëzojnë pensionet me rritjen e premtuar, sepse tash për tash ato nuk janë pensione, por ndihma sociale, që nuk u mjaftojnë për një pleqëri normale. Barnat në mandatin që do ta udhëheqë qeverinë e Kosovës, Partia Demokratike e Kosovës, do të jenë falas, për të gjithë pensionistët mbi moshën 65 – vjeçare. Andaj, orientimi i votës suaj për PDK-në dhe Kadri Veselin, është votë për sigurinë tuaj, është votë për të ardhmen më të sigurt të shtetit të Kosovës.” , tha Totaj.
Ndërsa Kadri Kryzeziu, kandidat për deputet në Parlamentin e Kosovës, në fjalën e tij u ndalua më shumë në elaborimin e ndryshimit të amendamenteve të Ligjit për pensionistë.
“Ligji për pensionistë do të jetë ligji i parë që do të votohet në legjislaturën e parlamentit të ardhshëm, sepse ende është kategoria më e pa përkrahur në Kosovë”.
Në këtë takim të përzemërt, kryetari i kësaj shoqate me anëtarët e kryesisë së degës, në emër të 37 mijë pensionistëve sa ka Prizreni, pasi falënderuan kandidatët nga radhët e PDK-së në Prizren, për vizitën dhe e shprehen bindjen e tyre se “Partia Demokratike e Kosovës ka qenë dhe do të jetë shpresa e vetme e pensionistëve, sepse është e vetmja parti, që na ka premtuar dhe çdo herë i ka realizuar premtimet”.
“Andaj, edhe këtë herë kemi arsye të shumta që t’i besojmë vizionit të PDK-së dhe kryeministrit të ardhshëm të Kosovës, z. Kadri Veseli”.
“ Besimi ynë është i plotë në PDK-në, andaj do ta votojmë shpresën tonë 112,” – tha në fund të fjalës së tij kryetari i degës së pensionistëve”, citon PDK.