Drejtoria e Inspektorateve sot ka filluar me lirimin e hapësirës publike komunale tek rruga “Wesley Clark” në afërsi të rrethit, e cila ka qenë e shfrytëzuar për parking të automjeteve.
Kompania e cila e ka pasur në shfrytëzim këtë hapësirë iu ka skaduar kontrata dhe për këtë arsye është detyruar ta lirojë hapësirën e shfrytëzuar.
Lirimi i hapësirës është bërë sot nga ana e vetë shfrytëzuesit, nën mbikëqyrjen e Inspektoratit.
Për shfrytëzimin e hapësirës së liruar tani do të zhvillohen procedurat mbi dhënien e pronës komunale dhe hapësirës publike, sipas dispozitave që parashihen nga ligjet në fuqi.
