Vedat Muriqi mbetet shumë i kërkuar në treg! Tottenham dhe Burnley janë lidhur sërish me klubin e Fenerbahces për të negociuar për kalimin e tij në Angli. Gazeta turke “Aksam” ka zbuluar se ish-drejtori sportiv i Fenerbahces, Damien Comolli, ka marrë telefonata nga të dy klubet.Kartoni i shqiptarit sipas Fenerbahces vlen 20 milionë euro, por palët nuk janë ulur për të negociuar më tutje.
Comolli u ka komunikuar klubeve angleze se Feneri nuk do ta shesë, pasi kërkon të bëjë mirë në kampionat.Sulmuesi shtatlartë mbetet lojtari lider me 11 gola të shënuar në 18 ndeshje me skuadrën e Fenerbahçes. Lojtari dëshiron largimin nga Turqia, por klubi nuk e lejon.
Lajmi i mirë? Damien Comolli është larguar zyrtarisht nga klubi turk. Ish-drejtori sportiv la detyrën pas 19 muajsh që mbante këtë pozitë dhe mund të ketë një dritë jeshile për Muriqin. Ai ishte personi që insistoi për të mbajtur lojtarin në skuadër.