Kandidati i PDK-së për kryetar të Prizrenit, Ramadan Muja, ka vizituar Teqenë e Halvetive dhe Bashkësin Islame në Prizren.
Muja në Teqenë e Halvetive, i uroi Sheh Abedinit mirëseardhje nga haxhi. “Teqetë ishin çerdhe në të cilat u brumos çështja kombëtare, andaj edhe sot pas qindra viteve roli i teqeve është i madh në afrimin e qytetarëve. Kryetari Muja me këtë rast ka përmendur në veçanti rolin e Teqesë së Halevetive, ose siç është e njohur në popull Teqeja në Saraçhanes”, tha Muja.
Ndërsa, Sheh Abedini, falënderoi Mujën për vizitën dhe punët që i ka bërë si kryetar i Prizrenit.
“Falenderoj Mujën për intersimin që po e tregon në ruajtjen e trashëgimisë kulturore e në veçanti të teqeve në Komunën e Prizrenit”.
Muja ka vizituar edhe kryetarin e Bashkësisë Islame në Prizren Lutfi Ballëkun, të cilit i ka uruar mirëseardhje nga haxhi.
Muja tha se çyshtja fetare dhe ajo atdhetare kanë qenë të pandara në historinë e popullit shqiptar. “Pandaj jo rastësisht edhe Lidhja Shqiptare e Prizrenit është mbajtur në ambiente të Bajrakli Xhamisë”.
Lutfi Ballëku, duke e falënderuar Mujën për vizitën pas kthimit nga haxhi, ka theksuar se “puna e juaj zotëri kryetar është mësim jo vetëm për ne prijësit fetar , por edhe për brezat e rinj, sepse vetëm me punë dhe angazhim mund të shpresojmë që Kosova të rreshtohet në Bashkimin Evropian ndërsa Prizreni të jetë i përmendur si qytetet i traditës dhe i trashëgimisë kulturore”./PrizrenPress.com/