PDK-ja në Malishevë e ka vlerësuar pozitive fushatën zgjedhore. “Në të gjitha takimet, kemi marrë përkrahje të fuqishme dhe qëndrojmë jashtëzakonisht mirë në raport me subjektet tjera që garojnë në Malishevë. Jo vetëm kryetari Kilaj që ka marrë mbështetje, por edhe kandidatët e PDK-së për asamble, kanë marrë mbështetje të fuqishme, pasi programi ynë qeverisës, është oferta më e mirë”, tha kryetari i Shtabit Zgjedhor të Dgës së PDK-së në Malishevë, Skënder Hoti.
Ai tha se këto vlerësime, janë nxjerrë në bazë të analizave të përditshme, nga takimet në secilin vendbanim.
“Ne qëndrojmë bindshëm para të gjitha subjekteve në Malishevë, në çdo fshat. Në shumicën e fshatrave, jemi bindshëm më mirë se të gjitha subjektet së bashku dhe kjo tregon se PDK jo vetëm që do t’i fitoj zgjedhjet, por vazhdon të mbetet partia politike, më e fuqishmja në Malishevë dhe pa konkurrencë”, tha kryetari i degës së PDK-së, Isni Kilaj.
“Jemi më së të bindur në fitore, pasi këtë vlerësim na ka dhënë qytetarët e Komunës së Malishevës. Kemi marrë mbështetje nga çdo fshat i Malishevës, bile në këtë fushatë, kemi pasur pjesëmarrës, shumë më shumë se në fushatat tjera dhe kjo tregon besimin që qytetarët e Malishevës, kanë për Partinë Demokratike të Kosovës”.
Në fazën e parë të fushatës, PDK vlerësohet bindshëm favorite në raport me subjektet tjera, duke u bazuar edhe në raportet nga tubimet e subjekteve tjera.
Në këtë mbledhje, u diskutua edhe për fazën tjetër të fushatës, në të cilën, do të jenë më shumë të angazhuar vet kandidatët për Asamblenë Komunale, si dhe çështje tjera teknike gjatë kësaj kohe, deri më 3 nëntor.
Po ashtu, pikë e veçantë e këtij takimi, ishte organizimi i tubimit përmbyllës elektoral, që pritet të mbahet 28 tetor në Malishevë./PrizrenPress.com/