Kandidati i LDK-së për kryetar të Komunës së Prizrenit, Eqrem Kryeziu me bashkëpunëtorë, ka mbajtur tubim elektoral me anëtarët dhe simpatizantët e Lagjes së Trimave (ish Tususi) dhe në fshatin Nashec.
Në Lagjen e Trimave karvani i fitores së LDK-së është pritur nga një numër i madh i banorëve të kësaj lagjeje. “Qytetarët e Kosovës kanë fituar alergji të madhe nga pushteti i dështuar dhe nuk e durojnë më jo vetëm mazhoranca shqiptare, por edhe përfaqësuesit e pakicave, ndaj të cilave kemi qenë korrekt dhe do të vazhdojmë të jemi shumë korrekt”, tha Kryeziu. “Qytetarët po kërkojnë ndryshime dhe Lidhjen Demokratike të Kosovës”.
Kryeziu parashikoi se këto zgjedhje do të jenë me të mira. “Sivjet do të jetë shumë më i mirë procesi zgjedhor, sepse do të ketë një kontrollë të hatashëm. Dënimet për keqpërdoruesit e votës janë të mëdha, kështu që unë shpresoj më në fund që edhe Kosova do t’i kthehet procesit të drejt zgjedhor”. “ S’ka më keq se t’i shkon me votu dhe nuk je i sigurt që të ka shku atje vota ku e ke mendu. Ky është turpi më i madh për një shoqëri. Kosova nuk ka mundësi me përparu ndrysh e veç me votën e lirë kur vjen koha katërvjeçare”./PrizrenPress.com/