Gjykata Themelore në Prizren, për herë të dytë, në mungesë të provave, i ka liruar nga akuza për keqpërdorim të pozitës zyrtare, dy policët Flurim Tafolli dhe Rexhep Krasniqi.
Ata akuzohen se kanë liruar një veturë të vetaksidentuar, megjithëse ajo ka rezultuar e pazhdoganuar, raporton “Betimi për Drejtësi”.
Sipas aktgjykimit të shpallur nga gjykatësja Ajser Skenderi, nuk është vërtetuar se dy të akuzuarin e ka kryer një vepër të tillë penale.
Nga 5 marsi në Cineplexx do të fillojnë të shfaqen 4 super filma të ndryshëm
Ndryshe, Gjykata Themelore në Prizren, edhe më 3 prill 2019, Flurim Tafollin dhe Rexhep Krasniqin i kishte liruar nga akuza, në mungesë të provave.
Ndërsa, pas ankesës së Prokurorisë Themelore në Prizren, më 20 gusht 2019, Gjykata e Apelit e ka kthyer lëndën në rigjykim.
Në aktakuzën e Prokurorisë Themelore në Prizren, e ngritur më 26 shkurt 2018, me të cilën të pandehurit Flurim Tafolli dhe Rexhep Krasniqi akuzohen se duke vepruar në cilësinë e zyrtarëve policorë më 12 shtator 2017, kanë liruar një veturë të vet aksidentuar, megjithëse e njëjta ka rezultuar e pazhdoganuar.
Sipas aktakuzës, në automjetin e liruar nga të pandehurit kanë qenë të vendosura tabelat e regjistrimit të një automjeti tjetër, andaj sipas organit të akuzës, ata është dashur ta dërgojnë automjetin në terminal doganor, e jo ta lirojnë. /Betimipërdrejtësi