Jakup Krasniqi i është kundërpërgjigjur Hashim Thaçit. Thotë se gjuha që përdori lideri i PDK-së tregon karakterin e tij, ndërsa shtoi se Thaçi po brengoset për besimin që qytetarët kanë për Iniciativën Qytetare për Drenasin, prandaj po vepron kështu. Në një intervistë për KTV-në Krasniqi ka thënë se dikush ka jetuar dhe jeton duke manipuluar njerëzit.
Krasniqi thotë se të gjithë e dinë se kush është përgjegjës për manipulimet e zgjedhjeve, duke shtuar se asnjëherë nuk ka akuzuar qytetarët. Janë grupet joformale të individëve ata që kanë keqpërdorur qytetarin, vlerëson kryeparlamentari.
Kryetari i Kuvendit i ka bërë thirrje KQZ-së që të mos bëhet pjesë e manipulimit të votave. Rezultati i zgjedhjeve lokale, por edhe çështja e PTK-së vlerëson se mund ta çojnë Kosovën në zgjedhje të parakohshme.