Policia e Kosovës, të mërkurën, e ka arrestuar një person në fshatin Xërxë të Rahovecit, si të dyshuar për ngritjen e çmimeve të barnave.
Sipas raportit 24 orësh të Policisë së Kosovës, i dyshuari e kishte hapur barnatoren e tij dhe kishte shitur barna me çmime të ngritura.
“Me 08 prill 2020 rreth orës 16:30, është raportuar se gjatë kontrollit në barnatorën e të dyshuarit mashkull kosovar janë gjetur disa paketime të medikamenteve të ndryshme të cilat dyshohet se kanë qenë duke u shitur me çmime të ngritura” thuhet në raport.
Tutje, thuhet së paketimet e këtyre medikamenteve i janë sekuestruar, ndërsa i dyshuari me vendim të prokurorit është liruar në procedurë të rregullt. /BetimipërDrejtësi