Gjykata Themelore në Prizren, gjatë kësaj jave, ua ka caktuar masën e paraburgimit katër të dyshuarve për dhunë në familje.
Këtë për “Betmi për Drejtësi” e konfirmoi zëdhënësja e gjykatës në fjalë, Afërdita Kicaj dhe gjykatësi kujdestar, Luan Berisha.
Të njëjtit bënë të ditur se ndaj katër të dyshuarve është caktuar paraburgimi në kohëzgjatje prej një muaji.
Ndryshe, katër persona të tjerë janë arrestuar të enjten në fshatin Mamushë të Prizrenit, për shkak të mosveprimit sipas dispozitave shëndetësore gjatë epidemisë.
Kjo gjë u bë e ditur në raportin 24 orësh të Policisë së Kosovës, ku thuhet se të njëjtit, pas intervistimit, me vendim të prokurorit janë liruar në procedurë të rregullt. /BetimipërDrejtësi