Lëvizja Vetëvendosje ka shpalosur sot manipulimet me votën e qytetarëve, që sipas tyre kanë ndodhur në ditën e votimit në shumë qendra të votimit në Kosovë. Sipas zyrtarëve të Vetëvendosjes, rasti më i rëndë ka ndodhur në komunën e Prizrenit. Në një konferencë për media ata nuk kanë specifikuar nëse do të lidhin koalicion me ndonjë parti tjetër në balotazh.
Manipulimi i votave, apo “Treni Bullgar”, lehtëson blerjen e votës përmes të cilës ata që i nxjerrin fletëvotimet jashtë, i plotësojnë ato, ua japin personave të cilëve ua blejnë votën dhe i kërkojnë që ato fletëvotime t’i fusin brenda, ndërsa fletëvotimet e rregullta t’i nxjerrin jashtë dhe kështu ato të përsëriten tek personat e tjerë. Në një konferencë për media zyrtarë të VV kanë shpalosur manipulimet që janë bërë me votën e qytetarëve në ditën e zgjedhjeve në shumë qendra të votimit në Kosovë. Valdrin Ahmeti nga departamenti i mbrojtjes së votës, tha se Prizreni mbetet komuna më flagrante e vjedhjes së votave.
Ndërsa shefi i shtabit zgjedhor të Vetëvendosjes, Dardan Moqlliaj tha se këtë herë ka pasur shumë më shumë blerje të votës.
Molliqaj ka thënë se komisionarët dhe vëzhguesit e VV do ta mbrojnë vjedhjen dhe blerjen e votës, por që nuk kanë analizuar se për cilin subjekt politik kanë ndodhur këto manipulime. Molliqaj nuk ka specifikuar nëse do të ketë koalicione me ndonjë subjekt politik, në raundin e dyte të zgjedhjeve komunale.