Një person është vrarë në Detroit gjatë protestave të dhunshme që kanë mbërthyer një numër të shteteve amerikane, raporton The Guardian.
19-vjeçari është vrarë pasi një person ka hapur zjarr në drejtim të protestuesve, transmeton KOHA.
Sulmin e ka konfirmuar policia që ka bërë të ditur se 19-vjeçari ka vdekur në spital si pasojë e plagëve të rënda.
Situata ka vazhduar të jetë e rëndë në Minesota. Shteti amerikan ka deklaruar gjendje emergjente me qëllim që Garda Kombëtare të mobilizohet për të marrë në kontroll vendin.