Mërgim Vojvoda ka spikatur në sezonin e parë me Standard Liege, madje është përfshirë në formacionin më të mirë të sezonit. Të interesuara për shërbimet e tij janë lakuar klube si Lazio dhe Fiorentina.
Së fundmi “Het Nieuwsblad” raporton se për Vojvodën interesohet Atalanta. Klubi nga Bergamo duhet të paguajë, pasi Standard Liege ka paguar një vit më parë 1.2 milion euro dhe kërkon rreth 7 milion për kartonin e mbrojtësit të Kosovës.
Vojvoda do të përshtatej me Atalantën, që luan me modulin 3-5-2 dhe anësorët duhet të dalin shpesh përpara. 25-vjeçari e ka zakon diçka të tillë dhe në Belgjikë ka rënë në sy pikërisht për daljet në fundore dhe krosimet.
