Drejtori i Përgjithshëm i Administratës Tatimore të Kosovës, Ilir Murtezaj, gjatë ditës së sotme ka pritur në takim ushtrues detyre Drejtorin e Doganës së Kosovës, Ibrahim Xhaka, me bashkëpunëtorët e tij.
“Qëllimi këtij takimi ishte diskutimi i vazhdimit të bashkëpunimit ndërinstitucional në aktivitetet e përbashkëta për luftimin e ekonomisë joformale”, thuhet në komunikatën e ATK-së.
Veç tjerash, gjatë këtij takim drejtorët e dy institucioneve kryesore të të hyrave, folën edhe për ndikim e deritanishëm të pandemisë COVID 19 në përformancen e këtyre dy institucioneve, e cila në masë të madhe ka goditur ekonomin e vendit tonë, e si rrjedhojë deri më tani ka rënje të theksuar të qarkullimit të bizneseve, si dhe pagesës së detyrimeve tatimore e doganore.
Drejtorët e dy institucioneve theksuan rëndësinë e vazhdimit të bashkëpunimit, si dhe koordinimin e aktiviteteve mes dy institucioneve kryesore për mbushjen e buxhetit të shtetit.