Policia e Kosovës ka njoftuar se në 24 orët e fundit ka shqiptuar 500 tiketa/gjoba për personat të cilët nuk kanë respektuar masat kundër pandemisë së COVID-19.
Për gjatë gjithë javës, 24-orëshi i fundit konsiderohet një prej ditëve kur janë shqiptuar më së paku gjoba.
Dje policia njoftoi se kishte shqiptuar 1 mijë e 37 gjoba për personat që nuk respektuan masat kundër COVID-19.
Që nga fillimi i javës pra nga 2 nëntori deri më sot, Policia e Kosovës në bazë të Ligjit kundër COVID-19, ka shqiptuar gjithsej 6 mijë e 926 gjoba për personat të cilët nuk kanë respektuar masat për parandalimin e përhapjes së coronavirusit.