Janë 50 kandidatë në 25 komuna të Kosovës që i nënshtrohen garës së balotazhit. Kandidatët të cilët në rrethin e parë të votimeve më 3 nëntor siguruan një epërsi, synojnë që më 1 dhjetor t’i konfirmojnë fitoret, kurse të dytët, shpresojnë në përmbysje të rezultatit.
Por, pavarësisht rezultatit të 3 nëntorit, në balotazhin e 1 dhjetorit gara për kryetarë në 25 komuna të vendit, fillon nga zeroja. Andaj, qoftë për ruajtjen e vendit të parë apo për përmbysje të rezultatit, kandidatët dhe partitë politike janë përkujdesur që në ndërkohë, të krijojnë edhe koalicione nëpër komuna, shkruan Tribuna.
Analistët i konsiderojnë disa prej koalicioneve si jo parimore, ndërkaq parashohin një garë më të ashpër për kreun e Prishtinës, Gjakovës, Prizrenit, Pejës, Lipjanit e mbase edhe Suharekës.