Në emisionin politik “Debat” sonte janë mysafirë Kujtim Gashi nga Partia Demokratike e Kosovës (PDK), Arban Abrash nga Lidhja Demokratike e Kosovës (LDK), Enver Sopjani nga NISMA dhe Besnik Tahiri nga Aleanca e Ardhmërisë së Kosovës (AAK).
Kandidati për deputet nga PDK-ja, Kujtim Gashi, ka partia që përfaqëson ai është e fokusuar në programin e saj në sektorin e ekonomisë.
“PDK-ja është e fokusuar me programin e saj në sektorin e ekonomisë, duke ofruar mbështetje me një fond 1 miliardësh, ku 500 milionë euro do jenë për bizneset private, ndërsa një pjesë është për fushën sociale dhe punësimin”, ka thënë Gashi.
Sipas tij, pagën minimale nga 170 euro, PDK-ja synon ta bëjë 300 euro.
Ai ka shtuar se do të ketë edhe lehtësira tatimore, ndërsa me investimin e 500 milionë euro do të rrisin punësimin dhe po ashtu edhe pagën mesatare. /RTKLive/