Kosova mbajti zgjedhjet e jashtëzakonshme parlamentare më 14 shkurt, proces që u vlerësua lartë për mbarëvajtjen e votimit si njëra nga zgjedhjet më të rregullta të mbajtura në historinë parlamentare të Kosovës, raporton Gazeta Online Veriu.info.
Partia Demokratike e Kosovës arriti të marrë në këto zgjedhje mbi 17% të votave duke siguruar rreth 20 mandate në Kuvendin e Kosovës, duke mos përfshirë votat me postë dhe ato me kusht që ende nuk janë numëruar.
Gazeta Online Veriu.info mëson nga burimet e saj brenda KQZ se kandidatët më të votuar të PDK-së në këto zgjedhje parlamentare në nivel vendi janë: Enver Hoxhaj, Bedri Hamza, Uran Ismaili, Elmi Recica, Mërgim Lushtaku, Ferat Shala, Bekim Haxhiu, Kujtim Gashi, Memli Krasniqi, Eliza Hoxha, Blerta Deliu dhe Evgjeni Thaçi.
Kjo renditje është bërë në bazë të numrit të votave që ka marrë secili kandidat.
Lista vazhdon me deputetët tjerë që kanë siguruar votat për të qenë pjesë e legjislaturës së tetë të organit më të lartë legjislativ në vend./Veriu.info/