Kryetari i Prizrenit ka akuzuar asamblistët e LVV-së se nuk ia votuan marrëveshjen me BERZH-in.
Në seancat e kuvendit komunal u vënë në pah disa pakënaqësi mes asamblistëve të Lëvizjes Vetëvendosje.
Ishte pika për votimin e marrëveshjes së kësaj komune dhe Bankës Evropiane për Rindërtim dhe Zhvillim që solli mospajtime brenda partisë që udhëheq në këtë komunë.
E madje pati një reagim të ashpër të kryetarit të Prizrenit, Mytaher Haskuka.
Ky i fundit i akuzoi edhe asamblistët e vet për bojkotim të kësaj kredie dhe bashkëpunim me PDK-në, LDK-në e NISMEN.
Megjithatë, kuvendarët e Vetëvendosjes po thonë që brenda tyre nuk ekziston asnjë problem.
Por, Hasuka një intervistë përsëri ka cekur se mungesat janë të paarsyeshme.
E në Partinë Demokratike të Kosovës, qendrën në Prizren po pohojnë që pakënaqësitë brenda Vetëvendosjes kanë qenë të pranishme edhe më herët.
Sipas, Shaqir Totajt, suficiti i kësaj komune e tregon njërin ndër dështimet e kryetarit, Mytaher Haskuka.
Ndërkohë duket që kreu i Prizrenit ka nisur tashmë konsultimet me parti për të votuar kredinë e BERZH-it.
Në LDK tregojnë që kanë pasur një takim me Hasukukën.
Por, sipas tyre Prizreni, nuk ka nevojë për një kredi të tillë meqë ka fonde të mjaftueshme që nuk janë shfrytëzuar.
T7 nuk ka arritur të marr një përgjigje nga Haskuka, meqë ai ndodhej në një vizitë në Shqipëri.