Nesër në Prishtinë fillon seanca e parë, fillestare, në rastin e zotit Sylejman Selimi, Sami Lushtaku dhe 13 ish-ushtarëve të UQK-së të akuzuar nga prokurori i PSKR-së për vepër penale krime të luftës. Sylejman Selimi, ish Komandantit të Zonës Operative të Drenicës, Sami Lushtaku, komandantit të brigadës 111 Jahir Demaku, Zeqir Demakut, Sahit Jasharit, Avni Zabeli dhe Hysni Thaçi. Në Grupin e Drenicës akuzohen edhe deputeti Fadil Demaku, kryetari i Komunës së Drenasit, Nexhat Demaku, pastaj Bashkim Demaj, Driton Demaj, Selman Demaj, Agim Demaj, Ismet Haxha dhe Sabit Geci.
Mbrojtja, siç njofton Koha, ka paralajmëruar se do të kërkojë nga Kryetari i trupit gjykues që Sylejman Selimi dhe të tjerët, të rastit tashmë të cilësuar si rasti i “Drenicës” t`i lirojë nga paraburgimi.
Seanca e nesërme do të jetë një përgatitje për një gjykim eventual të ardhshëm nga i cili avokati Tomë Gashi që mbron Sylejman Selimin, se do të lirojmë, siç ka thënë avokati, nga këto akuza të pabaza klientin e tij dhe të tjerët. Ai akuzat i konsideron të paargumentuara dhe të ngritura me inskenime vetëm për të diskredituar një pjesë elite të komandantëve dhe ushtarëve të UQK-së, që mbajtën mbi super barrën e luftimit, ushtrisë, policisë dhe paramilitarëve okupues serbë deri në çlirimin e Kosovës.