Në mledhjen e mbajtur sot, kryetari i Lidhjes Demokratike të Kosovës Isa Mustafa, së bashku me kryetarët e komuanve nga radhët e LDK-së, analizoi procesin zgjedhor dhe rezultatin e LDK-së në zgjedhje lokale. Në bazë të rezultateve të arrituara, Mustafa ka theksuar se LDK-ja ka dalë si partia më e votuar.
“LDK-ja është partia më e votuar në Kosovë, meqë ka garuar e vetme, pa koalicione, dhe është rritur për 64 mijë vota, rritje që tregon besimin që kanë qytetarët e Kosovës në Lidhjen Demokratike të Kosovës dhe, po ashtu, tregon se LDK-ja do të jetë fituese edhe e zgjedhjeve të përgjthshme që i kemi përpara”, tha Mustafa.
Mustafa kërkoi që pas fitores së madhe në zgjedhjet lokale, LDK-ja të vijojë punën dhe përgatitjet për zgjedhjet e përgjithshme. “LDK-ja, në bazë të besimit që mori në këto zgjedhje, do të fitojë edhe më bindshëm”, tha ai.
LDK-ja ka fituar pjesën më të madhe të komunave të mëdha në vend: Prishtinë, Gjilan, Podujevë, Ferizaj, Pejë, Lipjan, Istog, Suharekë, Fushë-Kosovë, Viti dhe, në koalicion me AKR-në, në Mitrovicë./PrizrenPress.com/