Ish- u.d e ministres së Punëve të Jashtme, e cila më pas është emëruar Ambasadore e Kosovës në SHBA, Vlora Çitaku, përmes një statusi në rrjetin social Facebook, ka kërkuar që të bëhen reforma në PDK, raporton Front Online.
Çitaku, procesin e reformimit e ka lidhur me largimin e deputetes Adelina Grainca nga PDK-ja.
“Poashtu, shpresoj qe? Partia Demokratike e Kosovës te? marre? mësim. Te? nise? procesin e reformave. Opozita është gjithmonë e rëndësishme, e posaçërisht tani”, ka shkruar Çitaku.
E lidhur me deklaratat e Çitakut për reformimin në PDK-së, për Front Online, ka folur deputetja e kësaj partie, Blerta Deliu.
Ajo tha se PDK-ja është në proces të reformimit dhe konsolidimit si parti opozitare.
“Na jemi në proces të reformimit, jemi duke e sanuar gjendjen dhe konsolidimin si parti opozitare”, tha ajo.
Deliu- Kodra tha se Çitaku është e mirëseardhur në PDK, por i takon asaj ta shohë pozicionin e saj në këtë pari.
“Z. Hoxhaj e ka thënë dhe po e them edhe unë, ajo është e mirëseardhur te ne, por i mbetet znj. Çitaku me pa pozicionin e vetë, PDK-ja është shtëpia e saj”, deklaroi Blerta Deliu.
Ndërsa, e pyetur për largimin e deputetes Adelina Grainca nga PDK-ja, ajo tha se nuk ka çfarë të shtonë përveç asaj se çfarë ka thënë partia.
“Besoj që e kemi qartësuar edhe dje si subjekt politik, kemi dhënë qëndrimin si parti, nuk kam çka i shtoj ati qëndrimi që dje e ka thënë PDK-ja lidhur me largimin e deputetes Grainca”,tha ajo për Front Online.