Përgjigje kanë marrë shumë pyetje për politikën e jashtme të Kosovës, por edhe për vet krijimin e këtij shteti, gjatë dy konferencave shkencore të organizuara muajin e shkuar në Shkup. Blerim Reka, i ka kryesuar të dyja.
Përtej atyre që janë thënë në të dyja konferencat, ky ish-ambasador i Maqedonisë në Bashkimin Evropian, e tani prorektor në Universitetin e Evropës Juglindore gjatë një interviste për “Kohën Ditore”, ka shprehur vlerësimet e tij për politikën e jashtme.
Ka shtruar nevojën për një staf politik më profesional e për një politikë të jashtme më agresive.
Për procesin lotues ka thënë se po bëhet në adresa të gabuara. Ka treguar se ku dhe si të lobohet. Ka folur edhe për qasjen ndaj fqinjëve, sidomos ndaj Shqipërisë. Gjithashtu edhe për politikën që duhet ndjekur me Serbinë.
E ka trajtuar edhe aspektin e anëtarësimit të Kosovës në OKB dhe BE. Ai ka vlerësuar se anëtarësimi në këto dy organizata do të marrë edhe shumë kohë. Madje, për BE ka sqaruar se Kosova nuk mund të futet edhe për një dekadë.