Fshati Kabash i Prizrenit është bërë me ndriçim publik.
Përurimi është bërë sot nga kryeministri i Kosovës, Albin Kurti, kryetari i Prizrenit, Mytaher Haskuka dhe deputeti Arbër Rexhaj, transmeton “PizrenPress”.
Postimi i Haskukës
Së bashku me kryeministrin Albin Kurti , deputetin Arber Rexhaj dhe drejtorët komunalë, sot bëmë përurimin e ndriçimit publik në fshatin Kabash, e cila ka qenë një kërkesë e kamotshme e banorëve të kësaj zone.
Në kuadër të këtij projekti të financuar nga Komuna e Prizrenit, Ministria e Administrimit të Pushtetit Lokal dhe KEDS, janë shtrirë rreth 10 kilometra përçues dhe transformatorë të rrymës elektrike.
Kabashi i Prizrenit, përveçse është një trevë patriotike, po ashtu është një trevë e trashëgimisë kulturore e historike. Andaj ky projekt ka një rëndësi të madhe ngase do të ndikojë drejtpërdrejtë në zhvillimin e turizmit malor të këtij rajoni dhe të komunës sonë.
Falënderoj të gjithë ata që kontribuan në jetësimin e këtij projekti!