Në Ditën e Zjarrfikësve të Prizrenit, kryetari i kësaj komune Mytaher Haskuka dhe drejtori i Drejtorisë së Emergjencës dhe Sigurisë, Faruk Dakaj kanë bërë përurimin e tri nënstacioneve të reja të zjarrfikësve në komunën e Prizrenit, përkatësisht ato në fshatin Zhur, Reçanë dhe Gjonaj.
Gjatë këtij përurimi, kryetari Haskuka ka njoftuar se tanimë në këto nënstacione dhe në Shërbimin e Zjarrfikësve në Prizren, do të punojnë edhe 30 zjarrfikës të rinj.
“Që nga fillimi i mandatit i kemi kushtuar një vëmendje të veçantë përmirësimit të kushteve të punës për zjarrfikësit tanë, ku përveç rritjes së numrit të punonjësve, tanimë kemi blerë edhe makinën e re për zjarrfikës, e cila së shpejti do të jetë në funksion të këtij shërbimi. Tanimë ne jemi të gatshëm për sezonin e nxehtë të verës, ndërkaq uroj që të mos kemi raste të zjarreve”, ka thënë Haskuka.
Ndërkaq drejtori Dakaj vuri në dukje se pas 21 vitesh tanimë është arritur që të rritet numri i zjarrfikësve, nga 25 në 55.
“Meqë është bërë dyfishimi i numrit të zjarrfikësve, mendoj që është dyfishuar edhe siguria e përgjithshme të Komunës së Prizrenit”, ka thënë drejtori Daka